Hóast sápa og sjampo taka burtur óreinsku úr hári og húð, so kunnu slíkar vørur - tvørt at siga- innihalda evnið, sum dálka umhvørvið.
Sápa og sjampo kunnu innihalda óynsktu evnini muskxylen, triklosan og siloxan (D5). Í øðrum londum, m.a. Noreg, verður arbeitt fyri at steðga nýtsluni av hesum evnum.
Sápa og sjampo kunnu eisini innihalda ymisk sløg av parabenum (t.d. ethyl- og methylparaben), sum gera, at vøran ikki spillist ov skjótt. Nøkur av parabenunum eru undir illgruna fyri at ávirka hormonjavnvágina, bæði hjá fólki og djórum.
Harafturat kunnu evnir í sápu og sjampo, ið elva til ovurviðkvæmi, vera ein trupulleiki.
keyp umhvørvismerkta sápu og sjampo, sí her.
brúka ikki meira sápu enn neyðugt er
Umhvørvismerkini gera tað lætt og skjótt at finna umhvørvisvinarliga sápu og sjampoo. Les meira um umhvørvismerkir her. Tá ein vøra er merkt við Blómuni ella Svananum, er tað trygd fyri:
At vøran er millum tær minst umhvørvistyngjandi av sínum slag
At atlit eru tikin fyri tínari heilsu
At góðskan er góð
Óbrukt sápa og sjampo og tóm íløt skulu burturbeinast saman við vanliga húsarhalds-burturkastinum. Les meira um burturbeining av burturkasti her.
Miljøstyrelsen.dk Tips om shampoo, balsam og hårstyling
 |
Vit tú vita meira? Um tú hevur spurningar um kemisk evni í vørum, so ring til Umhvørvisstovuna, tlf. 342400 ella skriva til okkara á us@us.fo |